Con motivo da chegada do primeiro de maio o alumnado de 1º de bacharelato elaboraron un maio e as coplas típicas de benvida da nova estación e de reivindicación social.
No corredor do instituto expúxose o maio e mailas coplas e bailáronse como manda a tradición.
MAIO “OS SOBRANTES”
Despois destes dous, tres anos
aquí estamos os sobrantes
que para facer o maio
roubamos aos concursantes.
Sentimos non presentarnos,
sentimos de corazón,
esta falta de modais
é culpa da dirección.
Os de Ciencias van de listos
e déixannos como parvos
pero eu na súa clase
aínda non vin un aprobado.
Se tes ganas de mexar
e estás no piso de arriba,
antes de chegar abaixo
xa te mexaches por riba.
Os listos dos profesores
deixan as ventás abertas,
cando estamos en inverno
collemos unha hipotermia.
Os ladróns de Fenosa
embargáronme a casa
e logo da corentena,
débedas veñen en masa.
Xa nos imos, xa nos vamos
volveremos outro ano
coas pilas ben cargadas
para dar outro repaso.
Comentarios
Publicar un comentario